DEPARTAMENTO DE PASTORAL COLEXIO LA INMACULADA (MARÍN) Nun mundo cheo de interrogantes e de crise e porque estamos chamados a vivir de acordo con aquilo que cremos, queremos anunciar, de modo renovado, a novidade transformadora da Boa Nova de Xesús a toda a comunidade educativa, dende o carisma vicenciano, coma proxecto de vida persoal e comunitario, e coma un compromiso pola xustiza e cos máis pobres.
SEMENTADORES DE ESTRELAS NAS RÚAS DE MARÍN
Saír polas rúas a ser "Sementadores de Estrelas" é unha actividade chea de alegría e gratuidade. Experimentar a tenrura que Deus sente por nós, tan palpable no nacemento de Xesús, móvenos a transmitir aos demais esa mensaxe de amor, co desexo de construír entre todos un mundo onde reine a paz.
Ser "Sementadores de Estrelas" é unha forma bonita de pasar un bo anaco xuntos e tamén significa converterse en pequenos misioneiros que comparten a boa noticia de Xesús e felicitan o Nadal en nome deses misioneiros, homes e mulleres, que anuncian o Evanxeo en países afastados.
Ao reparto de estrelas precédelle unha sinxela celebración do envío dos "sementadores". E unha vez celebrada, unidos todos nun mesmo espíritu cristián... ¡¡¡Todos á rúa a cambiar estrelas por sorrisos e a anunciar que Xesús nace!!!
Participamos un bo grupiño, e logo visitamos o comedor benéfico e cantámoslles panxoliñas a todas as persoas que alí comían o día de Noiteboa, desexándolles que pasasen, dentro do que cabe, unhas felices festas. Porque Xesús nace tamén neles, nos máis pobres e en cada un de nós.
Suscribirse a:
Enviar comentarios (Atom)
No hay comentarios:
Publicar un comentario