A VIAXE DE SAID

"A viaxe de Said" trata dun neno marroquí que cruza o Estreito esperando chegar ao "país das oportunidades" pero, en realidade, remata descubrindo que "o mundo non é tan belo como o contaran". O relato desta curtametraxe mostra a realidade dun neno africano que soña cun futuro mellor, un soño masivo que se reflicte en miles de africanos que desexen un benestar, pero que no transcurso desa busca cuxo destino é Europa moitos deixan a vida e algúns valores no camiño. Tamén serve para internarse nunha cultura diferente e o que motiva estes nenos e persoas a querer emigrar, como tamén para pensar como son tratados no noso país, somerxéndose no delicado tema da discriminación. PREGUNTAS PARA COMENTAR:
- Que é ser un inmigrante?
- Por que soña con emigrar Said?
- Como cruza Said o estreito? Coñecedes outras formas de cruzalo?
- Cando chega a España, que é o primeiro que ve?
- Said pensa que cando chegue a España todo será unha festa, "un mundo de cor... " "é a túa oportunidade... ", di a canción, credes que a realidade é así para os inmigrantes?
- Pouco a pouco decátase de que non todo é como el soñara, "Mira rapaz, eu sen papeis non te podo contratar, xógoma entendes? ... Cobras un pouquiño menos e se vén algún inspector escóndeste". Que vos parece isto que lle di o empresario?
- O seguinte paso de Said é a "PATEIRA ADVENTURE". Que hai dentro dese túnel do terror?
- Cando esperta do soño mentres pesca, que é o primeiro que mira?
- Que sentimentos che produce que haxa persoas da vosa idade que se xoguen a vida por vivir coma vós? Vergoña, satisfacción, alegría, tristura, decepción....
- Gustouvos a curtametraxe? E a técnica utilizada para facelo? Popr que?