JMV CONVIVENCIA INFANTÍS -XUVENÍS GALICIA 2011

GRITEMOS A GRAN VERDADE!!!
Este é o lema de JMV deste curso e esta foi a temática que envolveu a convivencia que tivo lugar en San Narciso e na que participaron máis de 150 rapaces e rapazas, dende 4º de Primaria a 2º ESO e arredor de 25 catequistas. Iniciamos o encontro con dinámicas de presentación e seguidamente os rapaces da Illa de Arousa representaron, a modo de oración e reflexión para comezar a xornada, un conto que falaba da pouca consistencia da MENTIRA e das calidades que aporta a VERDADE, a SINCERIDADE, a LEALDADE, a AUTENTICIDADE. Construíron un monumento á VERDADE que foi o símbolo que presidiu a Eucaristía que pecharía a convivencia. Porque a VERDADE é Cristo mesmo e a súa Boa Nova.
Despois da formación de grupos tivemos o esperado descanso para saborear a "rica palmeira misioneira" (e os sabrosos batidos misioneiros). Con novos folgos iniciamos os dous xogos, o da mentira e o da verdade. Entre xogo e xogo, os diferentes grupos reflexionaron sobre diferentes aspectos da mentira e da verdade, sobre as nosas diferenzas e valores...  E rematou a xornada da mañá cunha representación por grupos: GRITEMOS A GRAN VERDADE. XESÚS É A GRAN VERDADE, A QUE NOS FAI AUTÉNTICOS, LIBRES.
Chegou a inesperada choiva que puxo punto final á posta en común e daba paso ao xantar e, como remate dun día estupendo, Xesús, a GRAN VERDADE congregounos a todos na celebración da Eucaristía; El é quen de darnos forza para sermos auténticos e verdadeiros. Só así poderemos ser libres. 

PODES VISUALIZAR AS FOTOS DESTE ENCONTRO PREMENDO NO SEGUINTE ENLACE:

No hay comentarios:

Publicar un comentario