DEPARTAMENTO DE PASTORAL COLEXIO LA INMACULADA (MARÍN) Nun mundo cheo de interrogantes e de crise e porque estamos chamados a vivir de acordo con aquilo que cremos, queremos anunciar, de modo renovado, a novidade transformadora da Boa Nova de Xesús a toda a comunidade educativa, dende o carisma vicenciano, coma proxecto de vida persoal e comunitario, e coma un compromiso pola xustiza e cos máis pobres.
DOMUND 2015
"Como a choiva fina sobre a terra" é expresión do traballo silencioso e escondido dos misioneiros e misioneiras que, como a choiva de primavera, cala no interior dos corazóns.
Son catro obras de misericordia:
a) Ensinar ao que non sabe. A nena, obsesionada coa súa tartaruga Froski, recibe unha lección maxistral dun misioneiro colombiano que vive o desprendemento das cousas e de si mesmo.
b) A misioneira coa pregunta "Viñeches a mirar ou queres axudar?", axuda ao
mozo indiferente a tomar partido na vida e, co seu exemplo, descóbrelle a necesidade de amar con todo o seu corazón a calquera persoa, aínda que sexa a un bebé a piques de morrer.
c) Porque me dá a gana é o argumento da misioneira que perdoa e se desvive cos máis marxinados, aínda que a recompensa non sexa outra que o desprezo.
d) Un pai de familia advirte, na entrega incondicional do misioneiro, que a súa filla enferma é "A moza máis guapa do barrio".
Estas catro historias provocan un cambio de vida nos seus protagonistas:
a) Favorecen e axudan a caer na conta do valor relativo daquelas accións que empequenecen á persoa, cando se encerra en si mesma e nas súas cousas. A vida do misioneiro é unha escola onde os demais aprenden a poñer o corazón nas cousas grandes.
b) Suscitan un amor maduro e calado, lonxe do sentimentalismo ou da procura de compensacións. O amor non é un brote espontáneo ou circunstancial do corazón senón un amor sen medida que se mantén no tempo
c) O amor misericordioso non sabe de acepción de persoas. Por iso é polo que o don do perdón sexa a expresión máis nobre do amor humano, e evanxélico. Pero un perdón que nace da libre vontade de facer posible a fraternidade. Un corazón que perdoa sempre e cantas veces sexan necesarias.
d) É fácil advertir na vida do misioneiro que os seus xestos de misericordia son naturais, non forzados, algo así como o latexo do seu corazón. Así o testifica o taxista ao falar do misioneiro que desde hai trinta anos deixou a súa terra para ser un deles.
FICHA DOMUND ESO
CREATIVOS ATA O INFINITO
Iniciamos con moitas ganas o curso 2015-16.
O valor que traballaremos este curso será, como xa sabedes o da CREATIVIDADE.
Todos temos a capacidade e medios para ser creativos;
basta CRER. Este curso intentaremos dar renda solta a ese potencial interior que
permite ver e expresar as cousas de forma diferente á
convencional. É urxente espertar este don, a capacidade de expresarse, de crecer e de
sentirse realizados como persoas.
¡CREATIVOS ata o infinito!
Iniciamos con moitas ganas o curso 2015-16.TITORÍA PASCUA ESO
DEPARTAMENTO DE PASTORAL - TITORÍA DE PASCUA 2015
A Pascua é o tempo no que as nosas actitudes deben sumar
nas nosas vidas, porque non só son actitudes de vida, senón tamén son actitudes
que dan vida, como é o entusiasmo, o perdón, o silencio, etc. Non hai nada como
entregarse aos demais desinteresadamente, tratar de ser menos EU e máis NÓS.
Así que, párate a pensar en que posición te encontras ti; Só pensas en ti ou buscas o ben de todos?
ACTIVIDADE: S.O.S.
Imaxinámonos que a Pascua é como un
barco no medio do mar. Dise que estamos a naufragar, que os nosos problemas e
preocupacións nos ocasionaron unha tormenta que nos fixo perder o rumbo, e que
necesitamos auxilio. Por iso imos poñer o noso berro de auxilio nunha botella, para
que o vento e as mareas a leven a onde poidan axudarnos... a Deus mesmo.
Así, cadaquén escribe unha ou dúas actitudes das cales
queira ser rescatados nesta Pascua, é dicir, que actitudes restan na miña vida
e quero eliminar ou converter en actitudes positivas na miña vida.
LECTURA XESÚS RESUCITOU! QUEDA PROHIBIDO… (Anexo)
Oración final (xuntos)
Señor, ensíname a ser xeneroso,
A dar sen calcular,
A devolver ben por mal,
A servir sen esperar recompensa,
A achegarme ao que menos me agrada,
A facer o ben ao que nada pode retribuírme,
A amar sempre gratuitamente,
A traballar sen preocuparme do repouso.
E, ao non ter outra cousa que dar,
A doarme en todo e cada vez máis
A aquel que necesita de min
Esperando só de ti
A recompensa.
O mellor: esperando que Ti mesmo
Sexas a miña recompensa. Amén
Sexas a miña recompensa. Amén
FELIZ PASCUA DE RESURRECCIÓN!!!
"Ide e contade o que vistes e oístes", porque
fomos testemuñas da Resurrección de Cristo; venceu á morte e VIVE para que nós
tamén teñamos Vida.
A nosa alegría, que explotou na noite da Vixilia Pascual,
non pode conterse... O día de hoxe é un día de festa e xúbilo que resoa por
todos os cantos da terra e que se prolonga durante cincuenta días.
Berremos cheos de alegría, aos catro ventos, que Xesús, o
Señor dos amigos, o Señor dos encontros, o Señor da VIDA Resucitou! Que se nos
note que resucitou tamén en nós, que nos renova por dentro, que nos transforma
e nos dá novos motivos para a VIDA e a ESPERANZA de todos.
JMV E MANS UNIDAS. Campaña 56: Loitamos contra a pobreza, apúntaste?
Vivimos nun mundo no que
a indiferenza se globalizou. Para transformalo, debemos recuperar, desde a
xustiza e a caridade, o significado máis profundo da solidariedade expresado na
exhortación Evangelii Gaudium, do papa Francisco
En
2015 Mans Unidas inicia a Campaña 56 co lema “Loitamos contra a pobreza, apúntaste?, que recolle o traballo desta ONG dos
últimos oito anos, no marco dos Obxectivos de Desenvolvemento do Milenio, e
trata de abrir novos camiños na loita contra a pobreza.
Mans Unidas quere traballar en favor dun modelo de sociedade que non exclúa aos débiles, os máis
empobrecidos, os menos dotados. Por
iso, os seus esforzos diríxense a acompañar aos pobres entre os pobres, ao igual que facía san Vicente de Paúl.
Así é que dende JMV non podiamos quedar parados e decidimos poñer o noso gran de area, non só aportando unha cantidade pequeniña de diñeiro, senón sobre todo dende a sensibilización, xa que tivemos a sorte de contar con un misioneiro para todos os alumnos de 5º, 6º, 1º e 2º ESO e despois, dende JMV, tivemos o noso "xantar solidario" no que nos puxemos na pel das persoas dos distintos continentes e a algúns tocounos pasar un rato de fame...
Queremos cambiar o mundo e que sexa mellor para todos. Dende JMV apostamos pola xustiza e a solidariedade. Queremos borrar a pobreza. Nós, apuntámonos. E ti?
FELIZ ANO 2015
Como nos portamos ben e fomos bos, os Reis Magos trouxéronnos un montón de fotos das celebracións do Nadal que queremos compartir convosco. Esperamos que disfrutedes delas.
EUCARISTIA NADAL
Suscribirse a:
Entradas (Atom)